मी एक पालक

👨‍👩‍👧    स्पर्धेसाठी 👨‍👩‍👧

मी एक पालक विषय म्हणजे आपल्या दैनंदिन घडामोडींपैकी अत्यंत महत्त्वाचा विषय . पालक आहे मी एकाच पाल्याची पण असे वाटते कि त्या एकट्यालाच अगदी चांगल्या प्रकारे शिक्षण आणि संस्कार देऊ शकले तर जिवन सार्थक होईल .
दिवस सुरु होताच प्रथम धावपळ असते ती डबा तयार करुन मुलाला तयार करुन त्याला पटकन शाळेत पोहोचवण्याची. मी सुद्धा त्याच्या सोबतच निघते , त्याच शाळेत मी शिक्षिका आहे . दोघं परत घरी येतो तेव्हा संध्याकाळ झालेली असते . मग मुलासाठी खायला काहीतरी बनवते तोपर्यंत तो फ्रेश वैगेरे होतो मग दोघं गृहपाठ करण्यासाठी बसतो. नंतरचा वेळ असतो त्याच्या खेळण्याचा.
रात्री माझे पति कामावरुन आल्यानंतर ते प्रयत्न करतात कि किमान अर्धा तास तरी मुलाशी गप्पा मारुन दिवसभरातील घडामोडींविषयी जाणुन घ्यावे .
अशा प्रकारे आम्हा दोघा पति पत्नी चा प्रयत्न असतो कि जास्तीत जास्त वेळ मुलाला द्यावा.
सहा वर्षांचा आहे तो फक्त आणि इतक्या लवकर कोणत्याही अपेक्षा ठेवल्या नाहीत कि तो काय बनेल कारण असंख्य क्षेत्र उघडे आहेत आजच्या काळात आणि पर्याय त्याच्या हातात सोडलाय.
चांगले संस्कार देऊन चांगले व्यक्तीमत्व घडवण्याचा प्रयत्न मात्र सतत चालू आहे आणि राहिल.

योगिनी चॅटर्जी #52